2026 ОНЫ 06 САРЫН 26, БААСАН ГАРИГ


Шинэ мэдээ

Монгол Улсын Ерөнхий сайд, Хүүхдийн төлөө үндэсний зөвлөлийн тэргүүн Н.Учрал тус зөвлөлийн хуралдааныг гурав дахь удаагаа хуралдууллаа. <br>Хурлын эхэнд Хүүхдийн төлөө үндэсний зөвлөлийн дүрэм, бүтэц, дэд зөвлөлийн үйл ажиллагааны зохион байгуулалтыг шинэчлэн баталсан. <br>-Шинэ бүтцийн хувьд: <br>-Хүүхдийн эсэн мэнд амьдрах эрхийн <br>-Хүүхдийн хөгжил, оролцооны <br>-Хүүхэд хамгааллын <br>-Хүүхдийн орчны аюулгүй байдал, урьдчилан сэргийлэх <br>Их өгөгдөл, дүн шинжилгээ хяналтын гэсэн таван дэд зөвлөлд хуваагдан, чиглэл бүрдээ ажиллахаар боллоо. <br>Хүүхдийн төлөө үндэсний зөвлөлийн хүрээнд Боловсролын яам, Эрүүл мэндийн яам, Соёл спорт аялал жуулчлалынн яам, Зам тээврийн яам, <br>Аж үйлдвэр эрдэс баялагийн яам, Хууль зүй дотоод хэргийн яам, Хот байгуулалт барилга орон сууцжуулалтын яам, Эрчим хүчний яам, <br>Байгаль орчин уур амьсгалын өөрчлөлтийн яам, Нийслэлийн ЗДТГ-аас хэрэгжүүлж буй ажлын явцыг хэлэлцэж тайлан тавилаа. <br>Шинэ дүрэмд зөвлөлийн гишүүнээр ажилладаг төрийн алба хаагч үүргээ биелүүлээгүй бол хариуцлага тооцох заалтыг оруулсан байна. Мөн <br>Хүүхдийн төлөө “За бол заавал хийе” үндэсний хөдөлгөөний хүрээнд хэрэгжүүлж буй арга хэмжээний талаар Монгол Улсын Ерөнхий Сайд Н.Учрал танилцууллаа. <br>Хүүхдийн төлөө “За бол Заавал хийе” ажлын хүрээнд: <br>✨21 аймаг, 9 дүүрэгт олон улсын стандартад нийцсэн 5х5 сагсан бөмбөгийн талбай байгуулах ажил хэрэгжиж эхэлсэн. <br>Хотын даргад үүрэг өгсний дагуу Сүхбаатарын талбайн баруун талд байрлах Нийслэлийн захиргааны байрыг “Хүүхдийн ордон - 2” болгох ажил эхэлж, 60%-тай үргэлжилж байна. <br>✨Хотхоны бага, төрөлжсөн ахлах, олон улсын хөтөлбөртэй сургуультай болох ажил эхэлсэн <br>✨Зуны амралт эхэлсэнтэй холбогдуулан сургуулийн спорт заал, гадна ногоон байгууламж нээх ажил эхэлсэн <br>✨17 жил царцсан “Хандгайт” зусланг ОХУ-тай хэлэлцсэний үр дүнд Монголын талд шилжүүлэн авах ажил эхэлсэн. Асуудал шийдэгдсэний дараа зусланг зориулалтын дагуу сэргээн засварлаж ажиллахыг Хотын дарга Б.Пүрэвдагвад үүрэг болголоо. <br>✨ Зуны амралт, баяр наадмын үеэр хүүхдийг үер усны осол болон бусад эрсдэлээс хамгаалах ажлыг эрчимжүүлж, хурдан морь унаач хүүхдийн аюулгүй байдлыг ханган даатгалд бүрэн хамруулахыг холбогдох байгууллагуудад үүрэг болголоо.👏👏
2026/06/18

"ЗА БОЛ ЗААВАЛ ХИЙЕ" ҮНДЭСНИЙ ХӨДӨЛГӨӨН ОРОН ДАЯАР ХЭРЭГЖИЖ БАЙНА

🌊☔️2026 оны 6 дугаар сарын 10-ны өдрийн байдлаар Хэнтий нуруунаас эхтэй Туул, Хэрлэн голын эх болон Алтай нуруунаас усжих Ховд, <br>Булган, Буянт, Сагсай, Согоог, Увс нуурын сав газрын Хархираа, Намир зэрэг голуудын усны түвшин өмнөх өдрийнхөөс 5-20 сантиметрээр нэмэгдсэн байна. <br>Түүнчлэн Мөнгөнморьт сум орчим, Согоог болон Туул голын эхээр усны түвшин олон жилийн дундаж хэмжээнээс 5-10 сантиметрээр давж, үерийн эрсдэл нэмэгдэх нөхцөл бүрдээд байна.☝️ <br>Иймд дээрх гол мөрний эрэг хөвөө, сав дагуу нутаглаж буй малчид, тариаланчид, аж ахуйн нэгж, байгууллага болон иргэдийг үер, усны аюулаас урьдчилан сэргийлж, сонор сэрэмжтэй байх, бага насны хүүхдэд тавих хараа хяналтаа сайжруулах, гол мөрөн, нуурын эрэг дагуу зорчих, амарч зугаалахдаа аюулгүй байдлаа хангахыг анхааруулж байна. <br>Үерийн аюулын үед мэргэжлийн байгууллагын өгч буй заавар, зөвлөмжийг дагаж мөрдөн, эрсдэлтэй бүсээс хол байхыг зөвлөж байна.🙏☔️
2026/06/11

ҮЕР, УСНЫ АЮУЛААС СЭРЭМЖТЭЙ БАЙХЫГ АНХААРУУЛЖ БАЙНА🌧️

👶"Хүүхдээ хараа хяналтгүй битгий орхи- Гол горхи, нуур, усны ослоос хамтдаа сэргийлье” <br> “Нэг хормын анхаарал- Хүүхдийн амийг аварч чадна” <br>🚣‍♀️“Гол усны эрсдэлийг үл тоомсорлохгүй байя” <br>🌊“Усанд ойрхон үед анхаарал хэзээ ч илүүдэхгүй <br>🌊Усны дэргэд анхаарал сулрах ёсгүй” <br>👶 “Хайртай үрээ хамгаалах нь бидний хамгийн том хариуцлага” <br>🏝️🏖️🌊6,7,8, саруудад амралт эхэлсэнтэй холбогдуулан нуур, гол, далайд эндэх тохиолдол их байдаг тул сэрэмжтэй байхыг анхааруулж байна. ХүүхдээХайрлаяГолУсныОслоосУрьдчиланСэргийлье Нэг хормын анхаарал-Насан туршийн аз жаргал🙂🙆
2026/06/10

ХҮҮХДИЙН АЮУЛГҮЙ БАЙДАЛ-ТАНЫ АНХААРЛААС ЭХЭЛНЭ☝️

НҮБ-ын Хүүхдийн сан (UNICEF)-гийн Монгол дахь Суурин төлөөлөгч Биате Дастел, Хүүхэд, гэр бүлийн хөгжил, хамгааллын ерөнхий газрын дарга Б.Баярсайхан нар өнөөдөр уулзаж, хүүхэд, өсвөр үеийнхний сэтгэл зүйн дэмжлэг, унших дадлыг нэмэгдүүлэх зорилготой “Захиа” итгэл найдварын цуврал номын эхний дэвтрийн дээжийг гардууллаа. <br>Техник, технологи, цахим орчин эрчимтэй хөгжихийн хэрээр хүүхэд, өсвөр үеийнхэн дэлгэцийн хамаарал, цахим дарамт, гэр бүл, сургуулийн орчин дахь хүчирхийлэл зэрэг олон төрлийн эрсдэлтэй нүүр тулж байна. <br> Хүүхдийн тусламжийн 108 утасны мэдээллээр хамгаалах, нөхөн сэргээх үйлчилгээнд 2024 онд 17,186 хүүхэд, 2025 онд 12,577 хүүхэд хамрагджээ. <br>Энэ хүрээнд Хүүхэд, гэр бүлийн хөгжил, хамгааллын ерөнхий газрын харьяа Сургалт, судалгаа, мэдээллийн төвөөс “Захиа” бүтээлийг туурвисан. Тус номонд хүүхэд, өсвөр үеийнхний сэтгэл зүйг дэмжих, хүчирхийллээс урьдчилан сэргийлэх, эрсдэлийг бууруулах, ирээдүйдээ итгэх итгэл төрүүлэх зорилготой юм. <br>Бага насандаа бэрхшээл туулсан ч хүсэл мөрөөдөл, хөдөлмөр зүтгэлээрээ амжилтад хүрсэн дэлхийд нэр хүндтэй таван хүний амьдралын түүхийг багтаасан бөгөөд уншигчдад урам зориг, эерэг хандлага түгээхийг зорьжээ. <br>Мөн энэхүү бүтээл нь хүүхэд, өсвөр үеийнхний унших соёлыг төлөвшүүлэхэд хувь нэмэр оруулах ач холбогдолтой юм. ———————————————————————— <br>First Volume of the “Letter” Hope Series Presented to UNICEF Representative Today, Ms. Beate Dastel, UNICEF Representative in Mongolia, and Ms. B. Bayarsaikhan, Head of the Agency for Child, Family Development and Protection (CFDP), officially presented a sample copy of the first volume of the “Letter” Hope Series. The publication aims to promote psychosocial well-being and encourage reading habits among children and adolescents. <br>As technology and digital platforms continue to evolve rapidly, children and young people are increasingly exposed to various risks, including excessive screen use, cyberbullying, and violence within family and school environments. <br>According to data from Child Helpline 108, a total of 17,186 children received protection and rehabilitation services in 2024, while 12,577 children received such services in 2025. <br>In response to these growing challenges, the CFDP in collaboration with the Training, Research and Information Center, developed the “Letter” publication. The book is designed to support the mental well-being of children and adolescents, prevent violence, reduce risks, and inspire confidence and hope for the future. <br>The first volume features the life stories of five internationally recognized individuals who overcame adversity in childhood and achieved success through perseverance, dedication, and determination. Through these inspiring stories, the publication seeks to foster resilience, optimism, and positive attitudes among young readers. <br>In addition, the book is expected to contribute to the development of a reading culture among children and adolescents, encouraging lifelong learning and personal growth. <br>UNICEF Mongolia
2026/06/09

“ЗАХИА” СЭТГЭЛ ЗҮЙН ХҮҮХДИЙН НОМЫН ДЭЭЖИЙГ (UNICEF)-ИЙН СУУРИН ТӨЛӨӨЛӨГЧИД ГАРДУУЛЛАА

OneSky олон улсын төрийн бус байгууллагаас хэрэгжүүлж буй “Гэр бүлийг чадавхжуулах сургалтын хөтөлбөр”-ийн 2020-2026 оны хэрэгжилтийн урьдчилсан үр дүнг танилцуулах уулзалт 2026 оны зургаадугаар сарын 9-ний өдөр Улаанбаатар хотноо зохион байгуулагдлаа. <br>Уулзалтад Хүүхэд, гэр бүлийн хөгжил хамгааллын ерөнхий газар, нийслэлийн есөн дүүргийн Хүүхэд, гэр бүлийн хөгжил хамгааллын хэлтсийн холбогдох албан тушаалтнууд болон OneSky ОУТББ-ын ажилтнууд оролцов. <br>Арга хэмжээний үеэр OneSky байгууллагаас 2020-2026 онд хэрэгжүүлсэн Гэр бүлийг чадавхжуулах сургалтын хөтөлбөрийн хүрээнд хүрсэн үр дүн, хэрэгжилтийн явц, цаашдын чиг хандлага болон хамтын ажиллагааны боломжуудыг танилцууллаа. ОУТББ-ын Олон Улсын хөтөлбөрийн захирал Эстэр Го, болон ахлах зөвлөх Сара Клаус нар үг хэллээ. <br>Мөн оролцогчид хөтөлбөрийн хэрэгжилттэй холбоотой санал бодлоо солилцож, асуулт хариултын хэлэлцүүлэг өрнүүлэн, цаашид хүүхэд хамгаалал, гэр бүлийн хөгжлийг дэмжих чиглэлээр хэрэгжүүлэх үйл ажиллагааны талаар санал, дүгнэлтээ хуваалцсан юм. <br>Энэхүү уулзалт нь хүүхэд хамгаалал, гэр бүлийн хөгжлийн чиглэлээр хэрэгжиж буй үйл ажиллагааны үр нөлөөг үнэлэх, сайн туршлагыг түгээн дэлгэрүүлэх, талуудын хамтын ажиллагааг бэхжүүлэхэд ач холбогдолтой арга хэмжээ боллоо.
2026/06/09

ONESKY-ИЙН ГЭР БҮЛИЙГ ЧАДАВХЖУУЛАХ СУРГАЛТЫН ХӨТӨЛБӨРИЙН УРЬДЧИЛСАН ҮР ДҮНГ ТАНИЛЦУУЛЛАА

САНАЛ ХҮСЭЛТ

ЦАХИМ ХОЛБООС

Холбоо барих

Хаяг:
Монгол улс, Улаанбаатар хот Сүхбаатар дүүрэг, VIII хороо Бага тойруу 44А Төрийн өмчийн XI байр

Холбоо барих:
Жижүүр: +976-51261854
Хэвлэл мэдээлэл, олон нийттэй харилцах: +976-51262363
Даргын туслах: +976-51262109
Цахим шуудан: info@cfga.gov.mn

Хүүхдийн тусламжийн утас:
: +976-108

Хүүхэд, гэр бүлийн хөгжил, хамгааллын ерөнхий газар. Бүх эрх хуулиар хамгаалагдсан. 2026 он.