2026 ОНЫ 06 САРЫН 10, ЛХАГВА ГАРИГ


Шинэ мэдээ

Монгол орны өнцөг булан бүрд суугаа хүүхэд багачууддаа эрүүл энх, аз жаргал, сайн сайхан бүхнийг хүсэн ерөөж, хүүхэд бүр гэр бүлдээ хайрлуулж, хамгаалагдан, аюулгүй орчинд өсөж бойжихын ерөөлийг өргөн дэвшүүлье.🎊 <br>Хүүхэд, гэр бүлийн хөгжил, хамгааллын ерөнхий газар нь хүүхдийн баярыг орон даяар тэмдэглэн өнгөрүүлэхийн зэрэгцээ хүүхэд бүрийн аюулгүй байдал, эрх хамгааллыг хангах чиглэлээр холбогдох байгууллагуудтай хамтран ажиллаж байна. <br>Хүүхэд бүр аз жаргалтай, аюулгүй орчинд өсөж хөгжих нөхцөлийг бүрдүүлэх нь төр, байгууллага, гэр бүл, иргэн бүрийн хамтын үүрэг билээ. <br>Иймд хүүхдийн эрхийг дээдлэн хамгаалж, тэдний хөгжил, сайн сайхны төлөө хамтдаа, тууштай ажиллахыг уриалж байна. <br>Та бүхний гэр бүлд эрүүл энх, аз жаргал, амар амгалан, хүүхэд багачуудын минь инээд хөөрөөр дүүрэн сайхан бүхнийг хүсэн ерөөе. <br>ХҮҮХДИЙН ЭРХИЙН ТӨЛӨӨ ХҮН БҮР ХАМТДАА, ТУУШТАЙ АЖИЛЛАЦГААЯ!
2026/06/01

ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДРИЙН МЭНДИЙГ ӨРГӨН ДЭВШҮҮЛЬЕ.💙

Хүүхэд, гэр бүлийн хөгжил, хамгааллын ерөнхий газраас талбайд нийт 10 “Хүүхэд, гэр бүлийн асар” ажиллуулж, хүүхэд, эцэг эх, асран хамгаалагчдад зөвлөгөө, мэдээллийн үйлчилгээ үзүүлж байна. <br>🔰”Хүүхэд, гэр бүлийн асар”-т хүрэлцэн ирсэн хүүхдүүд зураг зурах, гар урлал хийх, монгол ахуй, уламжлалт соёлтой танилцах зэрэг хөгжөөнт болон танин мэдэхүйн олон төрлийн үйл ажиллагаанд оролцох боломжтой юм. <br>🔰Мөн нярай болон бага насны хүүхэдтэй эцэг эхчүүдэд зориулан хүүхдээ хөхүүлэх, асрах зориулалтын буланг ажиллуулж, живх зэрэг хэрэгцээт хэрэглэгдэхүүнийг үнэ төлбөргүй ашиглуулж байна. <br>🔰Үүнээс гадна бага насны хүүхдүүдэд аюулгүйн бугуйвч зүүлгэж, төөрсөн тохиолдолд эцэг эх, асран хамгаалагчидтай нь шуурхай холбох, хүлээлгэн өгөх зэрэг хүүхэд хамгааллын үйлчилгээг үзүүлж байна. <br>🔰Арга хэмжээний үеэр Монгол Улсад анх удаа хиймэл оюун ухаанд суурилсан, өрхийн гишүүн бүрд 24 цагийн турш зөвлөгөө, мэдээлэл хүргэх “Хүүхэд, гэр бүлийн виртуал зөвлөх”-ийг олон нийтэд танилцуулж байна.
2026/06/01

“ХАКИ” ХҮҮХДИЙН БАЯРЫН НЭГДСЭН АРГА ХЭМЖЭЭНИЙ ҮЕЭР ХҮҮХДИЙН ХӨГЖИЛ, ХАМГААЛЛЫН ҮЙЛЧИЛГЭЭГ ҮЗҮҮЛЖ БАЙНА.

Олон Улсын хүүхдийн эрхийг хамгаалах өдрийг тохиолдуулан Хүний эрхийн Үндэсний Комисс, Хүүхэд, гэр бүлийн хөгжил, хамгааллын ерөнхий газар болон холбогдох байгууллагууд хамтран “Хүүхэд бүр ялагч – Хүүхэд бүр хамгаалагч” уриатай “Хүүхдийн марафон-2026” арга хэмжээг амжилттай зохион байгуулж байна. <br>🔵Хүүхдийн эрхийн боловсролыг түгээн дэлгэрүүлэх, үе тэнгийн дээрэлхэлт, ялгаварлан гадуурхалтаас урьдчилан сэргийлэх, зөв хандлага, соёлыг төлөвшүүлэх зорилготой тус арга хэмжээнд энэ жил нийт 4215 хүүхэд оролцож, насны ангиллын дагуу марафон гүйлтэд хамрагдаж байна. <br>🔵Түүнчлэн хөгжлийн бэрхшээлтэй хүүхдүүдийн оролцоог дэмжих, тэгш боломжийг хангах чиглэлээр зохион байгуулалтын тусгай арга хэмжээ авч ажилласнаар хүүхэд бүр өөрийн онцлог, хэрэгцээнд нийцсэн орчинд оролцох боломж бүрдүүллээ.
2026/05/31

“ХҮҮХЭД БҮР ЯЛАГЧ – ХҮҮХЭД БҮР ХАМГААЛАГЧ” ХҮҮХДИЙН МАРАФОН-2026 ЗОХИОН БАЙГУУЛАГДАЖ БАЙНА.

Олон Улсын хүүхдийн эрхийг хамгаалах өдрийг тохиолдуулан Хүний эрхийн Үндэсний Комисс, Хүүхэд, гэр бүлийн хөгжил, хамгааллын ерөнхий газар болон холбогдох байгууллагууд хамтран “Хүүхэд бүр ялагч – Хүүхэд бүр хамгаалагч” уриатай “Хүүхдийн марафон-2026” арга хэмжээг зохион байгуулж байна. <br>🔵Тус арга хэмжээний хүрээнд Хүүхэд, гэр бүлийн хөгжил, хамгааллын ерөнхий газар “Хүүхэд, гэр бүлийн асар”-ыг ажиллуулж байгаа бөгөөд хүүхэд, эцэг эх, асран хамгаалагчдад зориулсан зөвлөгөө, мэдээллийн үйлчилгээг хүргэж байна. <br>“Хүүхэд, гэр бүлийн асар”-т ирсэн хүүхдүүд зураг зурах, гар урлал хийх, хүслээ бичиж хүслийн хайрцагт хийх, Монголын ахуй соёлтой танилцах зэрэг хөгжөөнт болон танин мэдэхүйн олон төрлийн үйл ажиллагаанд оролцох боломжтой юм. <br>🔵Мөн арга хэмжээний үеэр Монгол Улсад анх удаа хиймэл оюун ухаанд суурилсан өрхийн гишүүн бүрд 24 цагийн турш зөвлөгөө, мэдээлэл хүргэх “ХҮҮХЭД, ГЭР БҮЛИЙН ВИРТУАЛ” зөвлөхийг танилцуулж байна. Өрхийн гишүүн бүр “AR Mongolia” аппликейшнийг ухаалаг утсандаа татаснаар хүүхэд, гэр бүлийн хөгжил,хамгаалал, гэр бүлийн боловсрол, эрүүл мэнд, аюулгүй байдлын талаарх зөвлөгөө, мэдээллийг хүссэн үедээ AR стикер дээрх QR кодоо уншуулан авах юм.
2026/05/31

“ХҮҮХЭД, ГЭР БҮЛИЙН АСАР”-Т ХҮҮХЭД БАГАЧУУДЫГ УРЬЖ БАЙНА.

Монгол Улсын Ерөнхий сайд 2026 оны 05 дугаар сарын 29-ний өдрийн “Уул уурхайн үйл ажиллагаанд байгаль орчин, хүний аюулгүй байдлыг хангах талаар авах арга хэмжээний тухай” №10 албан даалгаврыг хэрэгжүүлэх хүрээнд холбогдох салбарын сайд нар, бүх шатны Засаг дарга, төрийн болон төрийн бус байгууллага, аж ахуйн нэгжүүдэд үүрэг чиглэл өглөө. <br>Үүнтэй холбогдуулан Хүүхэд, гэр бүлийн хөгжил, хамгааллын ерөнхий газраас дараах УРИАЛГА–ШААРДЛАГЫГ гаргаж байна. <br>🔰УРИАЛГА – ШААРДЛАГА <br>Хүүхдийн амь нас, эрүүл мэндэд учирч буй эрсдэл нь зөвхөн нэг гэр бүл, нэг байгууллагын асуудал бус, үндэстний ирээдүй, нийгмийн хариуцлагын хамгийн чухал асуудлын нэг билээ. <br>Харамсалтай нь бид осол, эрсдэл, хайхрамжгүй байдал, хариуцлагагүй хандлагаасаа болоод нялх балчир үр хүүхдүүдийнхээ амь насыг алдаж, нөхөж баршгүй гарз хохирол амссаар байна. Нэгэнт болсон хойно нь харамсаж, эмгэнэх бус урьдчилан сэргийлж, эрсдэлийг арилгаж, хүүхэд бүрийг хамгаалах нь өнөөдрийн нэн тэргүүний үүрэг байх ёстой. <br>Эцэг эх, асран хамгаалагчийн хувьд хүүхдээ хамгаалах нь хамгийн чухал үүрэг бөгөөд тэдэнд аюулгүй орчин бүрдүүлэх нь төр, аж ахуйн нэгж, иргэн бүрийн хамтын хариуцлага юм. <br>Улс орон даяар “Хүүхдийн аюулгүй орчны үзлэг”-ийг өрнүүлж, дараах арга хэмжээг хамтран хэрэгжүүлэхийг УРИАЛЖ, бас ШААРДАЖ байна. <br>ЭЦЭГ ЭХ, АСРАН ХАМГААЛАГЧДАД: <br>⚠️Гэр, хашаа, орц, автомашин болон хүүхдийн зорчдог орчин бүрд аюулгүй байдлын үзлэг хийе. <br>⚠️Хүүхдээ хэзээ ч хараа хяналтгүй орхихгүй байя. <br>⚠️Хүүхдэдээ эрсдэлийг таньж мэдэх, өөрийгөө хамгаалах чадварыг зааж сургая. <br>ТӨРИЙН БОЛОН ТӨРИЙН БУС БАЙГУУЛЛАГА, АЖ АХУЙН НЭГЖҮҮДЭД: <br>⚠️Үйлчилгээний газрууд болон ажлын байрандаа хүүхдэд ээлтэй, аюулгүй орчин бүрдсэн эсэхийг нягтлан шалгая. <br>⚠️Илэрсэн эрсдэлийг нэн даруй засаж арилган, үр дүнгээ олон нийтэд тайлагная. <br>⚠️Барилга байгууламж, тоглоомын талбай, нийтийн эзэмшлийн бүс, үйлчилгээний газар зэрэг хүүхэд зорчдог, тоглодог, үйлчлүүлдэг бүхий л орчныг хүүхдэд ээлтэй, эрсдэлгүй, аюулгүй байлгая. <br>БҮХ ТҮВШНИЙ ЗАСАГ ДАРГА НАР, ХҮҮХДИЙН ТӨЛӨӨ ЗӨВЛӨЛ, ХҮҮХДИЙН ЭРХ, ХАМГААЛЛЫН ЧИГЛЭЛЭЭР АЖИЛЛАДАГ БАЙГУУЛЛАГУУДАД: <br>⚠️Аймаг, нийслэл, сум, дүүрэг, хороо бүрд “Хүүхдийн аюулгүй орчны үзлэг”-ийг маргаашийн дотор зохион байгуулж, иргэд, эцэг эх, асран хамгаалагчдын оролцоог бүрэн хангая. <br>⚠️Илэрсэн эрсдэл, зөрчил, аюултай нөхцөл байдлыг бүртгэж, холбогдох байгууллага, аж ахуйн нэгжүүдтэй хамтран шуурхай арилгаж, үр дүнг олон нийтэд нээлттэй тайлагная. <br>⚠️Хүүхдийн аюулгүй байдлыг хангах ажлыг нэг удаагийн арга хэмжээ бус, тогтмол хяналт-шинжилгээ, бодит үр дүн бүхий тогтолцоотой, сар бүрийн сүүлийн өдөр тогтмол хийдэг үндэсний хэмжээний ажил болгон хэвшүүлье. <br>⚠️Хүүхэд хамгааллын бодлого, үйл ажиллагааны хэрэгжилтэд хариуцлагатай, үр дүнтэй манлайлал үзүүлье. <br>НИЙТ ИРГЭДЭД: <br>⚠️Хүүхдэд эрсдэл учруулж болзошгүй орчин, нөхцөл байдлыг анзаарсан даруйдаа холбогдох газарт нь мэдээлж, шаардах замаар иргэний үүрэг, хариуцлагаа биелүүлж, оролцоогоо нэмэгдүүлье. <br>⚠️”Миний хүүхэд биш” гэсэн хайхрамжгүй хандлагаас татгалзаж, “Монголын үр сад-Бидний хүүхдүүд” гэсэн хамтын ухамсрыг төлөвшүүлье. <br>✅Хүүхэд бүр аюулгүй орчинд өсөж, хөгжих эрхтэй. Энэхүү эрхийг хангахын төлөө төр, байгууллага, иргэн бүр үүрэг хариуцлагаа ухамсарлан, хамтдаа нэгдэхийг уриалж байна. <br>Хүүхэд бүрийн аюулгүй байдлын төлөө -ӨНӨӨДРӨӨС, ХҮН БҮР‼️
2026/05/31

ХҮҮХДИЙН ТӨЛӨӨ ҮНДЭСНИЙ ЗӨВЛӨЛӨӨС ӨНӨӨДӨР ЦАГ ҮЕИЙН АСУУДЛААР ШУУРХАЙ ХУРЛЫГ ЦАХИМААР ЗОХИОН БАЙГУУЛЛАА.

САНАЛ ХҮСЭЛТ

ЦАХИМ ХОЛБООС

Холбоо барих

Хаяг:
Монгол улс, Улаанбаатар хот Сүхбаатар дүүрэг, VIII хороо Бага тойруу 44А Төрийн өмчийн XI байр

Холбоо барих:
Жижүүр: +976-51261854
Хэвлэл мэдээлэл, олон нийттэй харилцах: +976-51262363
Даргын туслах: +976-51262109
Цахим шуудан: info@cfga.gov.mn

Хүүхдийн тусламжийн утас:
: +976-108

Хүүхэд, гэр бүлийн хөгжил, хамгааллын ерөнхий газар. Бүх эрх хуулиар хамгаалагдсан. 2026 он.